يا شارب الدخان ما هي رجاله

من طرف **ابو عيسى** الجمعة مايو 21, 2010 8:56 am

يا أنت ياللي تمسك الموت بيديك
ما هي رجولة مسكتك للسجاره

ذاك الزفيراللي يودعك بيجيك
في شهقتن تحمل معاها غباره

تولع الدخان حتــــــــــى يطفيك
وبيني و بينك في سلوكك نعاره

تضر نفسك و مجالسينك و أهليك
و يكفي على ( الباكيت ) تقرا عباره

تحذير صحي : المرض منه يأتيك
و كانك تريد الموت خذها بجداره

و يا بنت مسكتك المعسل تخليك
شينه و تبعدبك عن أرض الطهاره

و إن كان ربي حط بحشاك غاليك
مات و تسمم قبل يطلع لداره

و الله ما تلقى بن آدم يواسيك
لا صار ( للكسر ) في صدركإماره

لا تحسب علاج الاطبه يداويك
أقلع قبل لا تذوق طعم المراره

تشفط سجاره و المنادي يناديك
و في باب بيت الله تطفي السجاره

شين بنعلك تدعسه دوم .. وشفيك ؟!
ياآبن الذين ذا دليل القذاره

و ما دام ما ترضى أحد يوم يأذيك
لا تأذي مصلي خشوعه شعاره

بسته ريال تبيع نفسك لشاريك
الهندي اللي كل همه تجاره

و لا شح عندك تسأل الناس تعطيك
تتوسله يأذيك .. هذي شطاره ؟!

من قال لك شرب السجاير يسليك
بيزيد همك هم و يقيد ناره

ما تدري إنه نار في الصدر تكويك
و كم شايبن في الناس تذهب وقاره

إما ردعك اللي يقوله محاكيك
أرجع لنفسك و أحسب الآمر تاره

و ياالتاجر اللي منك ضاعت مباديك
ربحك من الدخان ذنب و خساره

يا أخي أمتثل للحق في أمر باريك
درب الهدى وش له تغير مساره..

مشكور ع الشعر الرائع
ان شاء الله يتوب ع يدك كل مدخن يارب
وجزاك الله الجنة

من طرف **محمد الغريب** الأحد يناير 08, 2012 12:04 am

يا شارب الدخان ما هي رجاله

يا شارب الدخان ما هي رجاله

رد: يا شارب الدخان ما هي رجاله

رد: يا شارب الدخان ما هي رجاله