دعوات زوجات ل ازواجهم حسب الوظيفة

من طرف **مغش صبيا** الأحد يناير 31, 2010 6:07 am

انتبهوا …..
دعوات زوجات لازواجهن.. ومدلولها الوظيفي

*******
الهي يعمر بيتك
-زوجة البنّا-
ربنا يكفيك شر المرض
-زوجة الدكتور-
ربنا يطرحلك البركة ويفرجها فى وشك
-زوجة المهندس-

*******

الهي ينصرك على مين يعاديك
-زوجة الظابط-
يجعل فى وشك القبول ويحبّب فيك خلقة
-زوجة المحامي-
الهي يرزقك من وسع
-زوجة البقّال-

*******

الهي يطعمك ما يحرمك
-زوجة الطباخ-
الهي يسترك ويكسيك ما يعرّيك
-زوجة الخيّاط-
الهي يحنّن قلوب الناس عليك ويدّيك ما يستخسر فيك
-زوجة الشحّات-

*******

الهي ما تنضان ولا يجوّع لك كبد
-زوجة الجزار-
الهي يبلّ ريقك ويسقيك من الحوض البارد
-زوجة بتاع عصير القصب-
الهي ما يرقّدلك جتة
-زوجة الحانوتي-

*******

ربنا ينوّرلك طريقك
-زوجة الكهربائي-
دايما حسّك فى الدنيا
-زوجة المطرب-
يجبرك دنيا وآخرة
-زوجة مدرس الرياضيات-

*******

ربنا يسهلّك طريقك
-زوجة السباك-
ربنا يعلّي مراتبك
-زوجة المنجد-
الهي يفتح في وشك الابواب المقفولة
-زوجة حرامي خِـزن-