ضاعت امـانـيـنـا ..

ضاعت امـانـيـنـا ..

إنتهى الموعد و ضاعت كـل امانينـا
وضيعنا الزمان اللي رجينا به رجاوينا
ابسأل ليه نتقارب وتتباعـد خطاوينـا
ونتأمل بعد بكرا تجـي ايديـه بيدينـا
نأمل في زمن ظالم يرسينا بـهالمينـا
ونتقرب من الموعد و لكن الحزن فينـا
نبي ننسى ولكن الهوى صعبٍ ينسينـا
نبي نفرح ونتكلم ولكـن همنـا بينـا
نرد نكذب على انفسنا نكذّبها حكاوينـا
نقول البُعد توّه ابـد مـا عـاد يعنينـا
كذبنـا والألـم والله يحرقنـا ويكوينـا
يزيد الجور بقلوبٍ ابد ماعـاد ترثينـا
وفجاءه جانا الموعد فراق وهم يشقينا
يجدد لوعه الحرمان يمنينـا ويجفينـا
يبعّدنا عن الغالي يبعّـد خطوتـه لينـا
يجردنا من الإحساس ينساها طوارينـا
ذبل ورد الامل بعده وتهنا في موانينـا
وضيعنا معه دربٍ ابد ماكـان يعنينـا
تباعدنا وصار الضيـاع اليـوم يبكينـا
تباكينا وصار البُعد يرثي ايام ماضينـا
يذكرنا بكل لحظه قضيناهـا بـليالينـا
نحاول ننسى الماضي ولكنـه يصحينـا
تعودنا على همسه وضحكه دوم يحيينا
نبي نعرف عن اخباره وذا والله يكفينـا
زماني خلني افرح بشوفه يوم يلاقينـا
يودعنا على دربه و دربه لـه يودينـا
أبصرخ حيل ساعتها و ابطلقها شكاوينا
بردد تكفى ادفني بأرضٍ هايمـه فينـا
هيام الارض ما يوصف ولكن ما يوازينا
نعم حبي على حبه جماله في معانينـا