أحلى المسجات ارسلهــــا للأ حباب والأصدقاء

من طرف **talal** الخميس مارس 27, 2008 1:43 am

أحلى المسجات ارسلهــــا للأ حباب والأصدقاء

• گالوا: جاي يتصل كلت أتمنى گالوا : تنتظر ؟؟ گلت استنى گالوا : تحبة كلت غصبا عنة .

• لا مسج لا الو و لا حتى how are you يابه شدعوه تره والله I love you .

• اسأل ما يسالون اشتاق ما يشتاقون گلت افخخ نفسي بلكت بحجة الفاتحة أيمرون .

• ياحبايب راسلونة ..بالمحبة حسسونة ..والرسائل لو تغلة علينة ..رنة وحدة سمعون .

• إذا أرسلنا ما تردون.. ولو قطعنا ما تسالون.. يا ترى لو متنا.. تتأثرون؟؟

• أنا المجروح وأتعثر بممشاى ... وعلى عناد اليكرهونى أكابر
أقول للعين بيج مابيج تره ... ألدمعه أقوى من الخناجر .

• تتصل ماتتصل گلبي بگلبك متصل وخيوط بيه معلگه ومستحيل يوم تنفصل .

• أنت شمسي ..وأنت همسي.. أنت حاضري..وأمسي.. أنت عندي أغلى من نفسي .

• معذور لوعني غبت بس مو عذر تنساني ... ناسي ألكتابه يا ترى لو ضيعت عنواني .

• يا رسالة اعتقليه وبالهمر صعديه إذا ذكرني نزليه وإذا نساني لابو غريب وديه .

• اسهر مع الأشواق واكتب علي الأوراق البعد ماينطاق .

• لا رنه ولا الو ولا رسالة من الحلو يارب من زعلو وعلينه غيرو .

• شتاقلك شوق به الشوق يشتاق . شوق يشوقه شوك من شاق ... المهم اني اشتاق .

• أهديك عبوة حنان وهاونات محبة وسيارة مفخخة بالأشواق وميت بوسة مؤقتة .

• طنش كل الناس ودوس على اكبر راس مو لأنك ذهب لأنك عراقي وترفع الرأس .

• عساك بخير يل الوافي يلي للجرح شافي عوافي نومتك بالليل وصباحك كالعسل صافي .

• فنان وكلامك جميل وبألغزل مالك مثيل روحك الحلوة عسل ونسيانك تأكد مستحيل .

• مفارك اعز الناس والدمع سايل صاير الحجى وياك بس بالرسايل .

• جعل عيني عقب فركاك تفقد بصرها عيني بلا شوف الحبايب شلي بنظرها .

• احس قلبي فقد نصه والموت لقيته بصفه لمن رحت للدكتور وصفلي شوفتك وصفه .

• مسجون بتهمة حبكم ومفتاح السجن يمكم ترضون اطلع بالعفو لو ابقى سجين بحبكم .

• كون انكلب سنتات واصبح رصيدك كل ما تدك ارقام تذكرني عينك .

• تعرف معنى ABCDاكيد متعرف
A احبك ,B بالي يمك ,C سلملي على قلبك ,D دمرني حبك .

• اكرهك حكرهك بكرهك كرهتك لاتستعجل اخذ اول حرف من كل كلمه وشوف معناها .

• حبال الوصل ممدوده ومحبتكم بالقلب موجوده نفسي ارسلك بوسه بس الطرق مسدوده .

• هلا بالرساله وهلا براعيها لو جتني بلا احرف يكفي انه اسمك عليها.

• ارميني في بير غويط واخدف ورايا ديناميت تطلع روحي تقولك واحشني يا عفريت .

• عساك اتعيش براحه وروحك دوم مرتاحه عسى درب الهنأ دربك وقلبك تكثر افراحه .

• اسف ومنكم خجلان ترى تأخيري مو نسيان لو غابت مراسيلي يبقى حبكم مثل ماكان .

• يا ورد احساسي ويا عطر انفاسي دزلي مسج مو وكع شعر راسي .

• هم قصف هم قناص هم مدفعيه وهم شوفة الحلوين حصره عليه .

• حد سيفه الدهر بحشاي سنتين , ومن عمري بقى يا ناس سنتين

ابشرك برصيدي مـابقى سنتين , واذا عندك رصيد اتــصل بية .

• اخسر النظر واتحمل القهر وافجر مدرعة وهمر بس اريد اشوفك يا قمر .

• ما اسميك كهرباء يقطعونك ما اسميك حصه يأخرونك اسميك مفخخه بكل مكان يخلونك .

• احبك وانا بكماطي يا دكمة من دكم قاطي يا احلى وردة برباطي يا جبن كيري بقواطي .

• ياريت اصير وزير ماليه واحط صورتك على العمله النقديه حتى اشوفك يوميه .

• جمال الليل في نضرة عيونك ونور البدر مرسوم بجفونك وكل الكون ما يسوة بدونك .

• لو انت البحر اني اكبر سباح و لو انت السما اني طير بهواك و لو انت القلب اني التامور وياك .

• يومية الصبح اكتبلك قصيدة ودزه للساكن يعيد بلكن تصيدة .

• اذا حسيت رجلك توجعك اعرف انك تروح وتجي على بالي .

• ما اريد من دمك تسقيني ولا من عمرك تعطيني گول انك بخير هالكلمه تكفيني .

• سميتك قمر خفت تختفي سميتك شمس خفت تغيب سميتك ورد خفت تذبل فسميتك حياتي بغيابك اغيب .

• ودي ارسل لك رساله فيها كلام عسل اخاف تحب الرساله وتنسى الي رسل .

• انت سكر انت هيل انت منورة هاليل تروحللك فدوة كارتات عراقنا واسيا سيل .

• من قلبي ابنيللك قصر ومن عمري ازيدك عمر بس خليك صديقي طول العمر .

• مساء الخير يا عنب يا توت ويا أغلى من الياقوت ويا ورد هولندا وفاكهة بيروت .

• ياريت المسج بوسه ابعثها لاجمل خدود وصوتي رنة موبايل يصيح احبك موت .

• أريد صوتك يناديني... أريد قلبك يحس فيني... وأريد كل ماعطش عمري بنبع الحب ترويني .

• اصيرلك وطن وبلاد واضويلك شمع ميلاد واخليك بوسط عيني اذا ماكفتك بغداد .

• احس القلب محتاجك وطول البعد جارحني اني اسف لازعاجك بس الشوق ذابحني .

• اصعب دمعتين دمعة سجين مظلوم ودمعة حبيب من شوفتكم محروم .

• ادري الرصيد ايروح و افلوسة كلفة هنة خمس سنتات احسبهة لفة .

• احبك بكد ما بالخارطه حدود احبك بكد ما بالخليج اهنود احبك بكد ما بالمعركه جنود احبك بكد ما بطحين الحصه دود

• ابن عم يحب بنت عمه دزلها هذا الدارمي:
طير انته وانا الگاع لابد تحط يوم ... وتذكرني وكت الضيج لو حادك الحوم
فردت عليه:
طير انا ونت الگاع لاكن هيهات احطن ... ولو تعبن الجنحان بالماي اغطن .

• لا يغرك كلامي تحسبني اني انسيت والله انك على بالي كل ما اصبحت وامسيت .

• تعبان ورحت للطبيب وصف لي علاج غريب قبله من الحبيب كل ساعه حتى اطيب احبك يا اغلى حبيب .
• للعراقين فقط حبال الوصل ممدوده ومحبتكم بالقلب موجوده ودي ارسل بوسه للعراقين بس الطرق مسدوده .

• علموني الساعه= ستين دقيقه
والدقيقه= ستين ثانيه
بس ما علموني الثانيه معك = العمر كله .

• كل البشر دولار بس انت يورو....انخاني للشدات تلكاني زورو .

• ان الانسان النابع من اعماق المعرفة الذاتية بالامور الاخلاقية لا يمكن له ان يدرك حجم الكرة الارضية في ظل التكهنات الحديثة في حيثيات القضايا التي لا تمس الدائرة من احد جوانبها...خصم الحچي مشتاقيين. .

• مفارگ بس روحي يمكم و ياجسد يحيا بعدكم الگـلب دگاته احرف ... لو تجمعها تصير احبكم .

من طرف **الزائر1000** الإثنين يناير 05, 2009 9:17 pm

من طرف **بسمة الكون** الأحد يناير 08, 2012 8:30 am

أحلى المسجات ارسلهــــا للأ حباب والأصدقاء

أحلى المسجات ارسلهــــا للأ حباب والأصدقاء

رد: أحلى المسجات ارسلهــــا للأ حباب والأصدقاء

رد: أحلى المسجات ارسلهــــا للأ حباب والأصدقاء